Aurreko maiatzean San Telmo Museoan eta Demagun Taldeak antolatuta 1813an jazotako Donostiako setioa abiapuntu hartuta gizarte zibilak gudetan duen biktima papera aztertu zuen mahai ingurua izan zen. Honi jarraipena emateko pasa den urriaren 18an Larraitz Arretxeak (Ereiten) 1813 ondorengo urbanismo berriari buruz eta berekin batera David Zapirainek (Ereiten) garaiko biolentzia eta eguneroko bizitzari buruz hitz egin zuten.
Ereitenek hurrengo hilabeteetan Donostiako Untzi Museoan Naufragioak Euskal Kostaldean ireki berri den erakusketan kolaboratzaile gisa lan egingo du. Historiako hondaratze famatuenak, Titanic ontziarenak, ehun urte betetzen dituela probestuz, erakusketa honetan, gure ingurura begiratuz, euskal kostaldean izandako naufragioak gogora ekartzen dira, bereziki 1878ko, 1912ko edo 1961eko galernei buruzko aipamen berezia egiten da. Margolanek, grabatuek, argazkiek, maketek eta mota desberdineko objektuek osatzen dute erakusketa eta 3. solairuan izango da ikusgai 2012ko azaroaren 30 arte.
Ordutegia:
Asteartetik larunbatera: 10:00etatik 13:30etara eta 16:00etatik 19:30etara
Igande eta jaiegunetan:11:00etatik 14:00etara.
Astelehenetan itxita.
Ikasturte honetan ere Donostiako Aquariumean Ereiteneko gidak arituko dira lanean bisita gidatuak eta umeentzako tailerrak egiten.
Iaz bezala aurten ere berdin gozatzea espero dugu!
Ereitenek urriaren 2an Kursaalen ospatu zen Enpresarean azokan parte hartu du. Bertan euskaraz lan egiten duten enpresak edota produktu edo zerbitzuak euskaraz eskaintzen dituzten 100 bat bildu dira, elkarren arteko harremanak estutu, elkarlanerako bideak aztertu eta negozio bide berriak zabaltzeko helburuarekin. Ekimena Bai Euskarari ziurtagiriak antolatu du, Gipuzkoako Foru Aldundia, Donostiako Udala eta Kutxaren Gizartekintzaren laguntzaz.
“Oguey eta amamar milla ta bosteunda laroguetaçorçi” horiek dira Asteasuko Udal Artxiboko XVI. mendeko dokumentazioan topatu ditugun euskaraz idatzitako zenbakiak. Honen inguruan, Ereitenen blogean, Iago Irixoa lankideak egindako hausnarketa argitara eman dugu.
Ereiten, oraingo honetan ere, Koldo Mitxelena Kulturuneko Ganbara aretoan pasa den ekainaren 28an zabaldu zen Kontuari kontu erakusketan publiko harrera zerbitzuaren arduradun izango da.
Kontuari Kontu, Galtzagorri Elkartea eta Gipuzkoako Foru Aldundiaren arteko lankidetza eta Itziar Zubizarretaren koordinazio lanaren emaitza, ohiko erakusketa kontzeptutik urrunduz haur eta helduek ipuin tradizionalak sentitu, ikusi, irakurri eta entzun ditzaten espazio literarioa da.
Espazio hau elementu ezberdinez osatua dago. Batetik, Itziar Zubizarretak hautatu eta egokitutako 4 ipuin aurkezten dira, bakoitza artista ezberdin batek ilustratua: Eider Eibarrek Alaba eta alabaordea, Jon Zabaletak Errege zorria, Maider Gurrutxagak Hiru olatuak eta Iñaki Martiarenak Zazpi lapurrak. Zuriñe Fernandez de Gerenbarrenaren musikarekin lagundutako 4 ipuinen narrazioak jasotzen dituen CDak borobiltzen du argitalpena.
Bestetik, Ganbarako ipuinen espazio magikora daraman babarrun landare erraldoia da erakusketaren osagaietako bat. Honekin batera, beste elementu batzuen artean, Luis Gasca bildumako ipuin hautaketa eta ilustrazio alorretik, Marraz(i)Oak tailerrean sortutako proposamenak
Espazio hau abuztuaren 25a arte zabalik egongo da, asteartetik larunbatera, 16:00tatik 20:00etara.
Hilabete ez da pasa Vicente Ameztoyri buruzko Etxe-Ondotik erakusketaren berri eman genuenetik eta hau amaituta balantzea egiteko unea heldu da. 1277 bisitari eta 197 umeren parte hartzea tailerretan arrakastaren lekuko dira. Ereitenek koordinazio, ekoizpen eta harrera zerbitzuan parte hartuz lana gozatu izanaren testigantza ordea, Leire San Martin lankideak gure blogean idatzitako sarreran aurkezten dugu.
Ereiten Koldo Mitxelena Kulturuneko Erakustaretoan zabaldu den Elena Asins (Madril, 1940) artistaren Topaketa berakorrak erakusketako koordinazioan parte hartu du. Honez gain, pedagogia-programa, publikoaren harrera eta bisita gidatuen arduradun izango da.
Erakusketak hainbat instalazio, marrazki, serigrafia eta bideotan gauzatzen den denbora eta espazioari buruzko erreflexioa aurkezten du.
Ordutegia:
Asteartetik larunbatera: 11:00etatik 14:00tara / 16:00etatik 20:00tara
Irailaren 22ra arte zabalik egongo da.
Bisita gidatuen erreserbarako 943 112 750 edo kmbisitagidatuak@ereiten.com
Ereiten Eureka! Zientzia Museoko Udako Zientzia Txokoaren arduradun izango da. Ekaina eta iraila bitartean 3 eta 10 urte bitarteko haurrentzako jarduera ezberdinak egongo dira. Informazio gehiagorako sakatu hemen.
Ereitenek Amasa-Villabonako Gurea Zine aretoko erakusketa gelan zabaldu den Vicente Ameztoyri buruzko Etxe-ondotik erakusketan parte hartu du, koordinazio eta ekoizpenaz arduratuz.
Vicente Ameztoy (Donostia,1946 – Villabona, 2001) arte garaikideko artista nabarmenetakoa izan dela baiezta daiteke eta erakusgai dauden obrek Villabonako Etxe-ondotik izeneko bere etxean 30 urtetan zehar ekoiztutakoaren isla izaten saiatu da, teknika ezberdinez osatutako arte obrak bilduz. Hortaz, erakusketaren izenburuak margolariaren etxeari egiten dio erreferentzia. Bestetik, bere alaba, Virginia Ameztoy, erakusketaren komisarioa da.
Erakusketa ikusgai egongo da ekainaren 23a arte.
Ordutegia
Asteartetik ostiralera: 17:00 – 20:00
Larunbata: 11:00 – 14:00 / 17:00 – 20:00
Igandea: 11:00 – 14:00
Bisita gidatuak egin nahi izanez gero, idatzi kmbisitagidatuak@ereiten.com helbide elektronikora.
Ereitenek ekainaren 7an FICOBAn ospatuko den IX. Enpleaguaren astean parte hartuko du. Urtero izan ohi den moduan Bidasoa Bizirik garapen agentziak antolatu du.
Ereitenek garapen agentziak proposatutako hautagaiak elkarrizketatuko ditu 9:30etatik 12:00etara, lan poltsa bat osatzeko asmoz.
Ereitenek pasa den maiatzaren 24an Baionan Association Nationale de Villes et Pays d’Art et d’Histoire-k antolatu zuen Ondarea eta mugaz gaindiko lankidetza jardunaldian parte hartu zuen. Aipatu Ereiten erakunde honekin lankidetza prozesuan dagoela. Jardunaldi honi esker, kultur ondarearen zaintza eta hedapenean sarean lanean diharduten erakundeen arteko azken lankidetza esperientziak, mugaz bestaldean kultur ondarearen babes-mekanismoen alderdi legala eta, batez ere, POCTEFA 2014-2020 europar programaren lehentasunak ezagutzeko aukera izan dugu.
Pasa den maiatzaren 24an, San Telmo Museoan Demagun Taldeak
antolatuta, gizarte zibilak gudetan duen biktima papera aztertu zuen mahai
ingurua izan zen,1813an jazotako Donostiako setioa abiapuntu hartuta. Bertan,
Arantxa Urretabizkaiaren gidaritzapean, Juan Carlos Mora (Ereiten) eta Lola
Valverde historialariek, Javier Sada idazlearekin batera parte hartu zuten.
Ereiten Koldo Mitxelena Kulturuneko Ganbara aretoan ikusgai den 6ko 12. Masafumi Yamamoto eta hamaika poeta erakusketan, publikoaren harrera zerbitzuaren arduradun izango da.
Collage eta poema originalez osatutako hamabi liburu biltzen dira erakusketa honetan. Bertan, Bartzelonan bizi den Masafumi Yamamoto artista japoniarraren eta hamaika idazleren arteko fusioa ematen da. Gazteleraz, katalanez, galizieraz eta euskaraz sortutako poema hauen egileak Alfonso Alegre Heitzmann, Vicenç Altaió, Noni Benegas, Juan Bufill, Chantal Maillard, Juan Ramón Makuso, Pello Otxoteko, José María Parreño, Andrés Sánchez Robayna, Benet Rossell eta Eva Veiga dira. Aipatutako Bufill poeta bera, Yamamotorkin batera plastika eta hitza nahasten dituen erakusketa honen koordinatzaileak direlarik.
Erakusketa ekainaren 9 arte zabalik egongo da, asteartetik larunbatera, 16:00tatik 20:00tara.
Ereitenek formatu handiko materialen koloretako digitalizaziorako Océ CS4236 eskanerra erosi du. CIS teknologia integratzen duen lehen Océ eskanerra da eta honen bidez, dokumentuak bereizmen handiz (1200 x 1200 ppp) digitalizatu daitezke, hau da, xehetasun txikiena ere atzemateko gai da.
Gainera, Océ CS4236 eskanerrak energia kudeaketa optimizatzen du, Energy-Star programa amerikarra eta RoHS zuzentaraua betez eta, era berean, bere fabrikazioan ISO 14001 ingurugiroaren kudeaketarako nazioarteko araua errespetatuz.
Bergarako besarkadaren inguruko oroigarria ireki da Bergarako Irizar Jauregian, Maroto general karlistak eta Espartero general liberalak 1839ko abuztuaren 31n Lehen Gerra Karlistari bukaera emango zion hitzarmena berretsi zuten tokian hain zuzen ere.
Ekimen honetarako Besarkadak. Bergarako bake hitzarmena gogoan izenburuko liburuxka prestatu dute David Zapirain (Ereiten) eta Juan Carlos Mora (Ereiten) historialariek.
Ordutegia:
Astelehenetik Ostiralera: 10:00etatik 20:00tara
Jaiegunetan: 10:30etatik 13:30etara
Honekin batera, apirilaren 20an, ostirala, arratsaldeko 19:30tan Irizar Jauregian David Zapirainen hitzaldia antolatu da Bergarako besarkadaren inguruan.
Ereitenek hurrengo hilabeteetan Donostiako Untzi Museoan harrera zerbitzua eskainiko du.
Ordutegia:
Asteartetik larunbatera:
10:00etatik 13:30etara eta 16:00etatik 19:30etara
Igande eta jaiegunetan:
11:00etatik 14:00etara.
Astelehenetan itxita.
Xavier Alvarez de Eulate (Donostia, 1919-2012) artista hil da 93 urte zituela Bermeoko frantziskotarren komentuan. Arantzazuko beira-leihoen egile, espiritualitatea eta artea izan zituen bere bizitzako ardatz.
Larraitz Arretxeak (Ereiten) katalogatu zuen bere obra eta iazko azaroan, Mikel Lertxundirekin batera komisariatutako erakusketa antologikoa zabaldu zuten Donostiako Kutxa Boulevard aretoan bere lanekin.
Ereiten Koldo Mitxelena Kulturuneko Ganbara aretoan zabaldu den Arkitektura, noizko? erakusketako publikoaren harreraren arduradun izango da.
Erakusketa honek Donostiako Nautiko eraikinaren sortzaile izan ziren Jose Manuel Aizpurua (Donostia, 1902-1936) eta Joaquin Labaien (Tolosa, 1900-1996) arkitektu arrazionalisten zenbait proiektu biltzen ditu. 1927-1936 urteetan burututako hainbat proiektu aurkezten dira bertan, hala nola dokumentu original, argazki, aldizkari, plano eta sekula eraiki ez ziren proiektuen maketak erakusgai jarri dira.
Aizpuruak 1930eko martxoaren 1ean La Gaceta literaria aldizkarian argitaratutako ¿Cuándo habrá arquitectura? artikuluak ematen dio izena erakusketa honi. Bertan ideia erradikalak aukezten ditu, arkitekturak arrazional eta funtzionalagoa izan behar duela baieztatuz, hau gizartearen zerbitzura egoteko beharra azpimarratuz.
Erakusketa Apirilaren 21 arte zabalik egongo da, asteartetik larunbatera, 16:00tatik 20:00tara.
Ereiten Koldo Mitxelena Kulturuneko Erakustaretoan zabaldu den Leizeak. Irudiaren labirintoak erakusketako pedagogia-programa, publikoaren harrera eta bisita gidatuen arduradun izango da.
Ramon Esparza, arte kritikaria eta EHUn ikus-entzunezko komunikazio irakaslea, erakusketako komisarioa da eta bertan, lau artista garaikideren lanak biltzen dira: Iñaki Gracenea (Hondarribia, 1972), Javier Arce (Santander, 1973), Henna Nadeem (Leeds, 1966) eta Sheena Macrae (Kanada).
Frantziako nouveau roman literatur mugimenduak bereganatutako Andre Gideren Mise en abyme (leizean ezartzea) kontzeptua, hau da, kontakizunaren barneko kontakizuna figura erretorikoa du oinarri. Honetan, lau artistek irudiaren eremura ekarri dute, irudiaren barneko irudia kontzeptuaren irakurketa eginez.
Erakusketa Maiatzaren 26rarte zabalik egongo da.