Emakumearen Nazioarteko egunaren bezperarekin bat eginik, datorren martxoaren 7an, arratsaldeko 5etan, Armagintzaren Museoak ekintza berria sustatu du 8 urtetik aurrerako edozein norbanakori zuzendua.

Belaunaldi desberdinen arteko topaketa bezela aurkezten da, ama eta seme-alaba, amona eta biloba, zein izeba eta ilobei zuzendua. Gazte zein helduentzat, azken finean.

Jarduerak bi zati izango ditu:

Lehenik eta behin, Eibarreko emakumeen ofizioen irudiekin ohizko Memory jolasean parte hartuko dute. Irudi bikotea topatzean, taldeak, ofizio bat egokituko dio eta berari buruz dakiena partekatu: zer zuen, edo duen, oinarri, burutzeko jakin beharrekoa, lan baldintzak, eta lana burutzen zuen edo duen, norbait ezagutzen duten.

Ondoren, museoa begirada desberdin batekin bisitatzeko aukera izango dute, Eibarko industrian emakumeak izandako papera azpimarratuz.